Татарстанда Арча – Васильево һәм Кукмара – Казан маршрутларында өстәмә электричкалар йөри башлады

Гыйнвар аенда Татарстанда Арча – Васильево, Кукмара – Казан, шулай ук Бөреле – Паратск маршрутлары буенча өстәмә шәһәр яны поездлары йөри башлады. Бу хакта «Содружество» компаниясенең матбугат хезмәте хәбәр итә.

Арча – Васильево юнәлешендә №6461 электричкасы билгеләнгән. Ул Арск станциясеннән иртәнге 5.10 сәгатьтә кузгала һәм 7.10 сәгатьтә Васильево станциясенә килеп җитә. Әлеге поезд Восстание станциясе аша 6.28–6.29 сәгатьләрдә үтә.

Моннан тыш, Бөреле – Паратск маршөреле станциясеннән 9.38 сәгатьтә чыгып, 11.25 сәгатьтә Паратскка килә. Восстание станциясендә ул 10.19–10.20 сәгатьләрдә туктый. Кире юнәлештә йөрүче №6464 Паратск – Бөрелеи поезды 14.18 сәгатьтә юлга чыгып, 16.03 сәгатьтә билгеләнгән урынга барып җитә. Аның Восстание станциясе аша узу вакыты – 15.23–15.24.

Шулай ук Кукмара – Казан юнәлешендә дә өстәмә шәһәр яны поезды гамәлгә кертелде. №6445 электричкасы Кукмара станциясеннән 5.17 сәгатьтә кузгала һәм 8.18 сәгатьтә Казанга килеп җитә.

Яңа рейсларны гамәлгә кертү республика халкы өчен транспорт мөмкинлекләрен киңәйтүгә һәм көндәлек юл йөрүне уңайлырак итүгә юнәлтелгән.