Татарстанда беренче «Ялкын» мәктәбе медиа фестивале старт алды

Казан, Мөслим, Нурлат, Әгерҗе, Менделеевск һәм Арча мәктәп медиаүзәкләре беренче «Ялкын»патриотик фестиваленә заявка биргәннәр. Презентацияләрне кабул итү февральдә башланды. Фестиваль өч этапта узачак: 15 мартка кадәр оештыручылар гаризалар кабул итәләр, аннары март дәвамында эшләрне бәялиләр һәм Финалистлар исемлеген төзиләр. Йомгаклау этабы 2026 елның апрелендә узачак.

Финалга чыгучыларны белем бирү һәм иҗат сессияләре, медиапроектларны яклау һәм тәкъдир итү, шулай ук бүләкләү тантанасы көтә. Программаның аерым блогы яшьләрне хокукка каршы эшчәнлеккә җәлеп итүне профилактикалауга багышланачак.

«Татмедиа» матбугат һәм массакүләм коммуникацияләр буенча республика агентлыгы җитәкчесе Айдар Сәлимгәрәев хәбәр иткәнчә, фестиваль мәктәп укучыларын медиа чарасына җәлеп итү эшенең яңа юнәлеше булачак. Аның сүзләренчә, оештыручылар мәктәп медиаүзәкләренең бүген ничек эшләвен бәяләргә ниятли, ә әйдәп баручы журналистлар алар өчен укыту сессияләре үткәрәчәк.
 

Чыганак: Татар-информ