Татарстанда май аеннан намаз уку вакыты үзгәрәчәк

Татарстанда май башыннан иртәнге (фаҗр) һәм төнге (иша) намазларын уку вакыты үзгәрәчәк. Бу хакта ТР мөселманнары Диния нәзарәте матбугат хезмәтендә хәбәр иттеләр.

"Ел саен Татарстанда, май аеннан башлап август башына кадәр, төбәгебезнең географик үзенчәлекләре аркасында, кояш батуның ак шәүләсе иртәнге ак шәүләсе белән тоташа – төн буе офыкта аклык юкка чыкмый. Шул сәбәпле Татарстанда астрономик исәпләүләр ярдәмендә Төнге намазның башлануын, шулай ук «сухур» ның тәмамлану вакытын һәм иртәнге намазның башлануын төгәл билгеләү мөмкин түгел», – дип хәбәр иттеләр мөфтияттә.

Намазларның яңа расписаниесе 5 майдан гамәлдә булачак.

"Казанда 5 майда иртәнге намаз чын төн буенча 23:54 сәгатьтә башлана. Бу чагыштырмача исәпләү алдагы көннән бик нык аерылып торган вакыт бирә. 5 майда төнге намаз – 21:00, 6 майда – 21:02, 7 майда – 21:04 һ.б. 6 майда Казанда иртәнге намаз – 01:49, 7 майда – 01:47», – дип аңлаттылар Татарстан мөселманнары Диния нәзарәтендә.