Татарстанда резин покрышкалар складында янгын чыккан
Бүген 17.35 сәгатьтә ашыгыч хезмәтнең 112 бердәм номерына Татарстанның Теләче районында резин покрышкалар складында янгын чыгуы турында хәбәр килгән. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсендә хәбәр иттеләр.
Янгын сүндерүчеләр район үзәгеннән 2 километр ераклыкта Казан-Шәмәрдән автоюлының 78нче километрында бер катлы резин покрышкалар склады януын ачыклаган. Янгын таралу куркынычы юк.
Дүрт автоцистерна янгынны сүндерергә җәлеп ителгән. Якынча мәгълүматлар буенча, янгын мәйданы 450 кв.метр тәшкил итә.
Янгын нәтиҗәсендә зыян күрүчеләр юк.
Чыганак: Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев