Татарстанда «УАЗ» юл кырыена төшеп киткән, бер кеше үлгән, икесе җәрәхәтләнгән

29 июль 2021 - 13:32 Автор:

автор

Зыян күрүчеләрнең берсен хастаханәгә алып киткәннәр, икенчесе медицина учреждениесенә барудан баш тарткан ("Татар-информ", Казан, Полина Шевщук).

Кичә кичке бишенчеләрдә республиканың Азнакай районы Победа бистәсендә юл һәлакәте булган.

«УАЗ» фургоны юлдан кюветка төшеп киткән һәм әйләнеп капланган. Авария сәбәпләре әлегә ачыкланмаган.

«Машинада өч ир-ат булган. Аларның берсе шунда ук үлгән. Башы яраланган тагын бер зыян күрүчене табиблар хастаханәгә алып киткән. Җиңелчә тән җәрәхәтләре алган өченче ир-ат медицина учреждениесенә барудан баш тарткан», — дип белдерде авариянең шаһитлары.

https://tatar-inform.tatar/news/incident/29-07-2021/tatarstanda-uaz-yul-kyryena-t-shep-kitk-n-ber-keshe-lg-n-ikese-r-h-tl-ng-n-5831887