Яңалыклар
Янгында хатын-кыз һәлак булган
Яшел Үзән районының Октябрьский бистәсендәге Садовая урамында урнашкан йорт яну нәтиҗәсендә, ике ир-ат җәрәхәтләр алган, бер хатын-кыз һәлак булган.
Россия Гадәттән тыш хәлләр министрлыгының Татарстан буенча баш идарәсе хәбәр иткәнчә, 8 гыйнвар кичендә Садовая урамында урнашкан йортта янгын чыгу турында хәбәр алына. Янгын ике катлы йортны тулысынча камап ала, күрше-тирә йортларга ут күчү куркынычы туа. Бер сәгатьтән артык ут белән көрәшкәннән соң янгын сүндерелә.
Кызганыч, әлеге янгыннан соң да югалтулар турында язарга мәҗбүрбез. Утлы йорттан ике ир-ат үзләре чыгып өлгерә, берсенең тәне уттан зыян күрсә, икенчесенең ике терсәге дә сынган була, аларны Яшел Үзән үзәк хастаханәсенә китерәләр. Ә менә 1956 елда туган ханым йорттан чыга алмый кала һәм утлы йортта һәлак була. Анысының мәете янгын сүндерелгәннән соң гына табып алына.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев