Арча көллияте кызлары һәм егетләре җитезләр!

Татарстан Республикасы Спорт министрлыгында урта һөнәри уку йортлары арасындагы спартакиада һәм лига ярышларына йомгак ясалды.

Көллият кубок һәм Мактау грамотасы белән бүләкләнде. Ярышларда призлы урыннар алган командаларга 70әр мең сумлык сертификатлар тапшырылды. Бу бүләкләргә менә нинди командалар ия булды: волейбол буенча 3нче урынны алган кызлар командасы (тренеры Мөдәрис Гарипов), волейболда 3нче урынга лаек егетләр командасы (тренеры Гадел Гарифуллин),  баскетболда 3нче нәтиҗәгә ирешкән кызлар командасы (тренеры Зиннур Сәгыйтов), хоккейда 3нче урынны алган егетләр командасы (тренеры Зиннур Сәгыйтов).

Котлыйбыз! Барлык укытучылар коллективына һәм студентларга алдагы ярышларда да уңышлар телибез!