Арча яңалыклары
Элеваторга беренче ашлык килде
Элеватор директоры Ләйсән Әһлиуллина аңа махсус бүләк тапшырды.
Урак өсте, гадәттә, август аенда башлана иде. Эссе һава барын да иртәрәк өлгертә. “Игенче”, “Яңарыш”, “Кырлай”, “Заря” ширкәтләрендә урып-җыюга бер атналап булды инде.
14 июльдә “Казанка” ширкәтенең өч комбайны арыш суга башлады. “Дымлылык 20 процент чамасы”, – ди ширкәт җитәкчесе Айдар Сабиров.
Шушы ук көнне яңа ашлыкны элеваторга китерә башладылар. Беренче булып яңа “КамАЗ”да Рамил Мусин килде. Элеватор директоры Ләйсән Әһлиуллина аңа махсус бүләк тапшырды.
Арча элеваторына Лаеш районыннан, Чувашстан республикасыннан көзге бодай һәм арыш китерә башлаганнар.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев