Ислам Чабаксардан медаль алып кайтты

Ярышлар шәһәр беренчелегенә оештырылды. Тренеры Газинур Борһанов: “Ярышта Казан, Яр Чаллы, Яшел Үзән, Кама Аланы, Осиново, Түбән Кама, Заречный, Чабаксар, Яңа Чабаксар, Киров, Оренбург, Балахны, Ульяновск, Түбән Новгород, Пенза, Тольятти спортчылары катнашты, – дип сөйләде. – Ярышлар яңа кагыйдәләр буенча үткәрелде. Һәр олимпия циклыннан соң таэквондода көрәш кагыйдәләренә бу төр спортны, судьялык итүне тагын да камилләштерү максатыннан үзгәрешләр кертү каралган. Һәм менә бу юлы да ярышлар беренче тапкыр үзгәрешләр кертелгән кагыйдәләр белән алып барылды.  Безнең Арча районыннан ярышта Татарстанда ике тапкыр җиңүче булган  Ислам Габдрахманов катнашты һәм Татарстанның җыелма янчыгына бронза медаль өстәде. Татарстанның җыелма командасы  1нче урынны алды. Пенза өлкәсе – 2нче, Самара өлкәсе командасы 3нче нәтиҗәгә иреште”.

Без арчалар уңышына бик шат. Җиңүләр булып торсын!