Акчаны кире кайтара аламмы?

– Бу очракта сез килешүне дә өзә, акчагызны да кире кайтара аласыз. “Кулланучылар хокукларын яклау турында”гы Законның 28нче маддәсе нигезендә, башкаручы хезмәт күрсәтү вакытын бозса, кулланучы аңа яңа вакыт билгеләргә, я эшне башкаруны өченче кешегә кушарга, я үз көче белән эшләп, башкаручыдан киткән чыгымнарны кире кайтаруны таләп итәргә, я бәяне киметүне сорарга, я бөтенләй баш тартырга хаклы. Кулланучы шулай ук эш башкару срогы чыгу белән бәйле рәвештә үзенә килгән зыянны тулысы белән кире кайтаруны таләп итәргә дә хокуклы.