Гадәттән тыш хәлләр министрлыгында «Ракета куркынычы» режимы вакытында нишләргә кирәклеге турында сөйләделәр

«Ракета куркынычы» режимын керткәндә тәрәзәсез бинада ышыкланырга яки җир асты киңлегенә төшәргә кирәк.

Әгәр сез өйдә булсагыз һәм подвалга төшү мөмкинлеге булмаса, тәрәзәләрне ныклап ябарга һәм аларга якын килмәскә кирәк. Газны, суны ябарга, электрны сүндерергә, терәк диварлы бүлмәгә кереп яшеренергә, тәрәзәләрдән ераграк, дивар буендагы идәнгә утырырга кирәк. Тәрәзәсез бүлмә, коридор, бәдрәф, кладовой сайлау яхшырак.

Әгәр мөмкинлек булса, җир асты бинасына кереп яшеренергә кирәк: тәрәзәләрне ябарга, газ һәм суны ябарга, электрны сүндерергә, документларны, телефонны, акчаны һәм кирәкле әйберләрне алырга. Күршеләрне кисәтергә, балаларга, өлкәннәргә, инвалидларга ярдәм итәргә. Подвалга яки башка тирәнәйтелгән ышык урынга төшәргә.

Әгәр сез урамда булсагыз, җир асты киңлегенең иң якын тирәнәйтелгән ышыгын, бинаның цоколь катын, җир асты парковкаларын яки башка сакланган конструкцияләрне табарга кирәк.

Яшеренү өчен яраклы булмаган урыннар:

- автотехника (җиңел һәм йөк автомобильләре, автобуслар) өчен урыннар;
- йортлар, кибетләр диварлары астындагы урыннар: шартлау дулкыныннан югарыдан пыялалар төшәчәк.

Мондый корылмалардан куркынычсыз ераклык-30-50 метр.

Чыганак: Татар-информ