Файдалы киңәшләр
Миләштән куас рецепты
Миләшләр өлгергән вакыт. Бу җимештән күп төрле тәмле ризык, эчемлек әзерләп була. Бүген куас ясарга өйрәнәбез.
Кызыл миләштән куас эшләү өчен 1 килограмм миләш, ярты килограмм шикәр, 10 грамм чүпрә, 4 литр су кирәк.
Пешкән кызыл миләшләрне юыгыз, эмальле кәстрүлгә салып, изегез. Өстенә кайнап чыккан су салып, янә кайнатып чыгарыгыз. Җылы килеш марля аша сөзегез.
Аерым савытта әз генә суда эретелгән чүпрәне, шикәрне кушып, яхшылап болгатыгыз. Куасны пыяла шешәләргә салып, яхшылап ябыгыз һәм сакланырга салкын урынга куегыз.
«Тирләп-пешеп мунча кереп чыкканнан соң мондый куасны эчеп җибәрү – үзе бер рәхәт», – дип яза «Кызыл таң» газетасы.
Чыганак: ИНТЕРТАТ
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев