8 июльдә Арчаның берничә урамында газ бирү вакытлыча туктатылачак
8 июльдә Арча шәһәренең берничә урамында һәм кайбер торак пунктларда газ челтәрләрендә ремонт эшләре үткәреләчәк. Шуңа бәйле рәвештә газ белән тәэмин итү вакытлыча өзеләчәк.
Арча район газ эксплуатация хезмәте («Сабыгаз» ЭПУ) абонентларга 2026 елның 8 июлендә 08:00дән 17:00 сәгатькә кадәр планлы ремонт эшләре башкарылуы турында хәбәр итә.
Ремонт эшләре вакытында Арча шәһәренең Агрономическая, Ватан, Вокзальная, Железнодорожная, Заречная, Коммуны, Лесная, Луговая, Кленовая, М. Галяу, Мостовая, Озерная, Строителей, Татарстан, Тополиная, Фабричная һәм Исхакова урамнарында газ бирү вакытлыча туктатылачак.
«Газ приборлары алдындагы краннарны ябып куегыз», – дип мөрәҗәгать итә Арча район газ эксплуатация хезмәте белгечләре.
Белгечләр хәбәр иткәнчә, газны яңадан тоташтыру хезмәткәрләр үткәргән кабат инструктаждан соң башкарылачак. Шуңа күрә һәр йорт хуҗасына куркынычсызлык кагыйдәләрен үтәү сорала.
Шул ук вакытта Арчаның тимер юл аръягы бистәсендә, шулай ук Айван, Төбәк Чокырча, Югары Бирәзә, Кәче, Чулпан, Кәдрәк, Иске Чүриле һәм Якты Көн авылларында газүткәргечтә калдык басым сакланачак.
Ремонт эшләре тәмамланганчы һәм газ тулысынча бирелә башлаганчы газ җиһазларын кулланмаска киңәш ителә. Өстәмә мәгълүмат өчен абонентлар Арча район газ эксплуатация хезмәтенә 3-11-04 телефоны буенча мөрәҗәгать итә ала.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев