9 айда юлларда 11 бала һәлак булга

Татарстанда "Көзге каникуллар" профилактик чарасы старт алды. 

9 айда Татарстан юлларында балалар катнашында 331 юл-транспорт һәлакәте булган. Шуларда 11 бала үлгән, 348е төрле авырлыктагы тән җәрәхәтләре алган.

Балаларны транспорт чарасында дөрес йөртмәү нәтиҗәсендә 6 бала-пассажир һәлак булган. Бу өлкәдә юл хәрәкәте кагыйдәләрен төгәл үтәргә кирәк. 

Җәяүле балалар  арасында да кагыйдә бозучылар бар. ЮХИДИ инспекторлары аларны даими игътибар үзәгендә тота. Яшь юл инспекторлары белән рейдлар үткәрелә. Төрле чаралар оештырыла. 

"Хәзер көзге каникуллар бара. Балаларыгызга кабаттан юл хәрәкәте кагыйдәләрен исләренә төшерегез. Кичке якта йөргәндә яктылык кайтаручы элементлар турында да онытмасыннар",  - дип кисәтәләр ЮХИДИ хезмәткәрләре.

Профилактик акция 6 ноябрьгә кадәр дәвам итәчәк.