Арча волейболчылары очрашып тора

28-29 нчы апрель көннәрендә Арча волейбол лигасының финал уеннары булды. Бу уеннар ноябрь аенда башланып, хәзерге көнгә кадәр дәвам итте. Командалар бер-берсе белән очрашып, уйнап чыктылар.

Арча спорт комплексында  Зур Кубок өчен 4 команда, кече Кубок өчен 3 команда волейбол уйнадылар. Зур Кубок өчен финалда КСМ һәм Арча (яшьләр) командалары очрашты, уен барышында очколар тигез барды. Щулай да, аз гына өстенлек белән Арча командасы җиңде һәм Кубокка ия булды.  Шулай итеп, яшьлек җиңде. 3-4 нче урыннарны Арча педагогия көллияте һәм "Ветераннар" командалары бүлеште. Кече Кубокка "Летай" командасы лаек булды. Уеннар искиткеч матур булды. Командалар киләсе сезонда да шушы ярышны үткәрү теләге белән таралыштылар.