Арчада район Советы утырышы узды: бюджет һәм муниципаль контроль мәсьәләләре каралды
28 апрельдә Арча район Советының чираттагы утырышы үтте. Депутатлар бюджет үтәлеше, территориаль үзгәрешләр һәм контроль өлкәсендәге берничә мөһим мәсьәләне карады.
28 апрель көнне Арча район Советының бишенче чакырылышының 10нчы утырышы узды. Утырышны район башлыгы, район Советы рәисе Алмаз Хисаметдинов алып барды. Көн тәртибендә барлыгы 12 мәсьәлә каралды.
Утырыш эшендә район җитәкчелеге вәкилләре, депутатлар һәм белгечләр катнашты. Финанс-бюджет мәсьәләләре буенча финанс-бюджет палатасы җитәкчесе Эльмира Ганиева чыгыш ясады.
Депутатлар 2025 ел өчен бюджет үтәлеше турында хисапны һәм 2026 елның беренче кварталы нәтиҗәләрен тыңлады. Шулай ук 2026 елга һәм план чорына каралган бюджетка үзгәрешләр кертү турында карар кабул ителде.
Утырышта районның Иҗтимагый советы эшчәнлегенә кагылышлы мәсьәләләр дә каралды. Районның иҗтимагый советы турында нигезләмә расланды, шулай ук кандидатлар составының бер өлеше билгеләнде.
Муниципаль контроль өлкәсендә гамәлдәге берничә карарга төзәтмәләр кертелде. Алар автомобиль транспорты, торак, җир һәм урман контроленә кагыла.
Моннан тыш, Арча шәһәре һәм Иске Кырлай авыл җирлеге чикләрен үзгәртү мәсьәләсе каралды. Кеше хокукларын саклау буенча 2025 ел нәтиҗәләре турында мәгълүмат та тыңланды.
Утырыш нәтиҗәләре буенча кабул ителгән карарлар белән районның рәсми сайтында танышырга мөмкин
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев