Арчалар Волгоградта җиңү яуладылар (ВИДЕО)

Арчаның 6нчы мәктәбе һәм Яңа Кенәр мәктәбе укучыларыннан торган Тэг Рэгби командасы Волгоградка ярышка барды. Командада менә кемнәр: Илназ Салихҗанов, Ралина Гыйльметдинова, Элина Әсхәдуллина, Ислам Мортазин, Адел Рәхмиев, Айдар Галимов, Артем Карпов, Инзилә Мөхәммәтшина. Артем Карпов һәм Айдар Галимов - Яңа Кенәр мәктәбеннән. 2011 елгы балалардан торган команда белән тренерлары Фәнил Һидиятуллин һәм Рәмис Хәйруллин барды. Ярышта 2нче урынны алдылар. Котлыйбыз! Молодцы! "Бу безнең өчен зур җиңү, - ди тренер Фәнил Һидиятуллин. - Чөнки бу Бөтенроссия күләмендәге ярышлар". Бу уен төре кызыклы. Монда туп тотып йөгерәсең. Билдәге  билбауның ике ягына рэк-тасма куела. Менә шул тасманы, туп белән йөгереп килеп, көндәшеңнән тартып алырга кирәк. Бу уенны аңлатуы кыен. Чабалар алга. Пасны-тупны бирәләр артка. Җитезләр ота. Уенның нечкәлекләре күп. Бүген кичке сәгать 7дә поездга утыралар. Исән-сау кайтып җитәргә язсын. Поездда Волгоградка бер тәүлек килгәннәр. Кайтканда бер тәүлек+ 3 сәгать, ди. Быел Мәскәүдә җиңеп кайткан иде инде алар. Уңышлары белән тагын бер кат котлыйбыз!