Арчада юл сызыгы ялгыш эшләнгән

Күптән түгел Арчаның Көнбатыш бистәсе чатында юлга тоташ ак сызык ясап киттеләр. Димәк , элеккеге кебек светофорда сулга борылып булмый башлаган иде. Бу турыда социаль челтәрләрдә язучылар да булды. Без бу хәлгә аңлатма бирүне сорап Главтатдортранс дәүләт казна учреждениесе әйдәп баручы белгече Алмаз Шәфигуллинга мөрәҗәгать иттек. Алмаз Фәргатович бу сызыкның ялгыш эшләнгәнлеге һәм шушы арада аның төзәтеләчәге турында хәбәр итте. Әмма моны эшләгәнче  автомобиль йөртүчеләргә юл кагыйдәсен бозмаска киңәш итәбез, юкса правасыз калуыгыз бар. Юлчылар хаталарын тиз арада төзәтерләр, иншә Аллаһ. Бу очракта армиядәге кебек, время пошло , дип әйтергә генә кала.