Безгә кышны Арча мәдәният йорты алып килә

Арча район мәдәният йорты проекты “Күрше” фестиваленең кышкы сезоны җиңүчесе булды. Проект авторы Ләйлә Хәкимова.

Быел кышын Арча халкын “Дуслык күпере – Мост дружбы” исемле этномәдәни квест берләштерәчәк.

Экспертлар катнашучылар арасыннан 49 иң яхшы проектны сайлап алды: 11 инициатива – үзмәшгульләрнеке, калган 38е – юридик затларныкы.

Җиңүче проектлар ишегалларында һәм җәмәгать киңлекләрендә ким дигәндә өч чара оештыру өчен 1 миллион сумга кадәр финанс ярдәме алачак.
Әлеге чаралар Татарстан Республикасының 30 районын колачлаячак. Шулар арасында безнең Арча районы да бар.

“Күрше” фестивале вакыйгалары “Татарстанда кыш” проекты кысаларында узачак.

Арча район мәдәният йортын җиңүләре белән котлыйбыз.