Бушлай сыр капкында гына

Мошенниклар төрле юллар белән алдыйлар. Минем үземә дә ничә тапкыр акча оттыгыз дигән СМС килде. Ә мин бушлай сырның капкында гына икәнен яхшы беләм. Ерак барасы юк, безнең Арча районында да алданып торалар. Әле яңа гына Чаллы шәһәрендә 53 яшьлек хатын 95 мең сум акчасыннан колак каккан. Аңа да акча оттыгыз, дип шалтыраталар. Ә акчаны күчерү өчен мәгьлуматлар кирәк. Хатын әйтә. Акча күчерделәрме икән дип телефонына кереп караса, киресенчә үзенең 95 мең сум акчасы юкка чыкканын күрә. Һәм полициягә мөрәҗәгать итә.