Үгез дигәннән...

Безнең бер котыра торган үгез бар иде.

Бервакыт шул үгез абзарда чылбырыннан очкынган.  Котыра бу. 

Әни (Айваннан ӘЛФИЯ Саттарова, мәрхүм инде, рухы шат булып ятсын) янына керәм, бәйләп куям, ди.

- Кермә әни, бетерер, дим.

Тәки әни үгез янына кереп китте.

Менә хикмәт, үгез тынычланды.

Реклама

Әни бернәрсә булмагандай үгезне бәйләп , абзардан чыкты.

Чыккач, бервакытта да терлекне рәнҗетергә ярамый, диде.

Безнең әни гомер буе фермада бозаулар карады. Алдынгы бозау караучы булып эшләде.