Ялган юньлегә илтми

Аны РФ Җинаять  кодексының 322.2нче маддәсендә каралган җинаятьне (Россия Федерациясендә булган урында чит ил гражданинын ялган исәпкә кую) эшләүдә гаепле дип тапты.

Хөкем ителүче, 2023 елның сентябреннән 2024 елның мартын кертеп, миграция хезмәтенә үзенең Кушлавыч авылындагы йортына 3 чит ил гражданинын исәпкә кую һәм аннан соң озайту турында ялган документлар тапшыра. Ә чынбарлыкта чит ил кешеләре анда яшәми.

Хөкем ителүче үзенең гаебен таныды һәм үкенде.

Суд әлеге ирне дәүләт файдасына 10 мең сум күләмендә штрафка тартты.

Шушы ук көнне шундый ук хөкем карарлары Арча районында яшәүче тагын өч кешегә карата чыгарылды.

Хөкем карарлары әлегә законлы көченә кермәгән.

Р.Йосыпов, Арча районы прокуроры урынбасары