Яңа ел бәйрәмнәре имин үтсен!

Аны район башлыгы,комиссия рәисе Илшат Нуриев алып барды. 

Район буенча эчке эшләр бүлеге җитәкчесе Айдар Баһавиев яңа ел бәйрәмнәре чорында җәмәгать куркынычсызлыгын тәэмин итү буенча өстәмә чаралар һәм террорлык актларын кисәтү буенча чыгыш ясады. Айдар Рашатович белдергәнчә, халык күпләп җыелган урыннарда,бигрәк тә үзәк чыршы тирәсендә, полиция хезмәткәрләре бу көннәрдә уяулыкны тагын да көчәйтәчәк. 

Россгвардиянең район бүлеге җитәкчесе Рамил Фәйзрахманов та бәйрәм көннәрендә үзләре саклый торган объектларда һәм патруль хемәтендә эшнең тәүлек буе оештырылачагын әйтте.

Комиссия сәркатибе Гөлшат Әхмәдуллина үтеп баручы елда бу юнәлештә башкарган эшләргә  йомгак ясады һәм киләсе елга комиссиянең эш планы белән таныштырды.