Кемнәр беренче дип уйлыйсыз?

Арча спорт комплексында Татарстанның 100 еллыгы уңаеннан 2009-2010 елгы һәм аннан да яшьрәк кызлар командалары арасында баскетбол буенча ачык турнир узды. Ул элеккеге баскетбол буенча тренер Җәүдәт Хәсәновның туган көне уңаеннан аны искә алу кичәсе дә иде. Башлап йөрүчесе Җәүдәт Хәсәновның эшен дәвам итүче тренер Илсур Фәсхетдинов. Ярышларда дүрт команда катнашты. Шуларның икесе Арчадан, икесе Казанның “Уникс” баскетбол клубыннан. Арча командалары уңышлы чыгыш ясады. “Пантера”чылар беренче, “Арча” командасы, әле күптән түгел генә оешкан булуына карамастан, өченче урынны яулады. Соңыннан командаларга гына түгел, барлык катнашучыларга да грамоталар тапшырылды. Шулай ук иң яхшы уенчылар да бүләккә лаек булды.