Чарада катнашучылар мәтрүшкә, бөтнек, юкә чәчәге һәм башка үләннәрдән ясалган хуш исле чәйләрдән авыз итте.
Шекә авыл китапханәсе җитәкчесе Гөлшат Локманова берсеннән-берсе матур чаралар белән авылдашларын куандырып килә. Клуб булмагач, бар да шул китапханәгә агыла.
Әле шушы көннәрдә генә ул тагын бер чара - «Шифалы үләннәр- гомер хәзинәсе" дип исемләнгән кичә үткәрде.
Кичәнең төп кунагы - шифалы үләннәр үстереп, җыеп, киптереп чәйләр ясау остасы Рамилә Хакимҗанова иде. Ул дару үләннәре җыю серләрен ачты.
Фото китапханә архивыннан
Нет комментариев