Район башлыгын судка бирәләр

Санкт-Петербургта «Введенский» муниципаль районы башлыгы, «Бердәм Русия » партиясе әгъзасы Олег Калядинның фатирында полицейскийлар тикшерү үткәргән һәм биредә яшерен казино оештырылуны ачыклаган.

 Бүген Олег Колядин үзенең вазыйфасыннан отставкага китүе турында белдергән. «Бердәм Русия»нең Санкт-Петербург бүлеге җитәкчелеге, чиновник партиядән чыгарылачак, дигән.

Колядин әлеге районны 2009 елдан башлап җитәкләгән һәм Санкт-Петербург Законнар чыгару җыелышы рәисенең киңәшчесе булып торган.

Колядинга законсыз рәвештә комарлы уеннар оештырган өчен хәзер җинаять эше яный.

Фото: Лента.ру

https://kiziltan.rbsmi.ru/articles/khokuk/Rayon-bashligin-sudka-bir-l-r-115743/