erid:LgsiSnffX
Арча хэбэрлэрэ (Арский вестник)

Арча районы

18+
Рус Тат
2024 - Гаилә елы
Арча яңалыклары

Татарстанга Себер антициклоны килә

Татарстан Гидрометеорология үзәге нинди фараз бирә.

Татарстанга Себер антициклоны килү сәбәпле, якындагы көннәрдә һава шартлары үзгәрәчәк. Татарстан Гидрометеорология үзәге шундый фараз бирә.

Атмосфера басымы арту явым-төшемнәрнең туктавына китерә, гәрчә 20 февральдә төнлә һәм иртән урыны белән бераз кар явачак әле. Һава торышы тыныч булачак. Республикада урыны белән томан төшәчәк. Төнге сәгатьләрдә һава температурасы -9..-14 градус (аязганда -18 градуска кадәр), ә көндезге сәгатьләрдә -5..-10 градус тәшкил итә.

Чәршәмбе һәм пәнҗешәмбе, 21 һәм 22 февральдә, төбәк территориясендә сизелерлек явым-төшем көтелми. Төнлә һәм иртән аерым районнарда томан төшү ихтимал. Төнлә температура -13..-18 градус (аязганда -23 градуска кадәр), көндез -7..-12 градус фаразлана.

erid:2Vtzqwy9AuJ erid:2Vtzqwy9AuJ

23 һәм 24 февральдә җомга һәм шимбә көннәрендә явым-төшем ихтималы аз. Төнге сәгатьләрдә температура фоны әллә ни үзгәрми (-13..-18 градус, аязганда -23 градуска кадәр). 23 февральдә көндезге сәгатьләрдә -6..-11 градус, 24 февральдә -4..-9 градус булыр дип көтелә.

Антициклон Татарстан территориясеннән элек республикага буран һәм көчле кар китергән циклонны кысрыклап чыгарачак. Февраль башыннан Казанда айлык норманың 110 проценты кадәр кар яуган инде.

Тулырак: https://tatar-inform.tatar/news/seber-anticiklony-tatarstanga-salkyn-tonnar-belan-tynyc-hava-torysy-alyp-kila-5883402

Следите за самым важным и интересным в Telegram-каналеТатмедиа

Хәзер Арча һәм Арча районы яңалыкларын безнең Telegram-каналдан да белә аласыз

 


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Арча хәбәрләре

2
X