Уҗымнар торышын карыйлар

" Россельхозцентр"ның Арча районы бүлеге белгечләре тарафыннан,  2023 елның 31 гыйнвар көнне ООО "Кырлай" Агрофирмасының баш агрономы Абдрахманов Рәмис белән берлектә, хуҗалыкның пар җиреннән соң чәчелгән, 205 гектар мәйданны биләгән көзге бодай басуы һәм 93 гектарлы арыш басуында булып аның торышы каралды.

 Басуларда кар катламы 47- 51 см.га кадәр тәшкил итә. Бу көнне һава температурасы -1,0 градус иде. Тармаклану үзәгендә -1,3-1,5 градус тәшкил итә. Үсемлекләр тармаклану фазасында   1 кв.м. 450 – 510 үсемлек.

Басудан алып кайткан үсемлекләр лабораториядә монолит үстерү методикасы буенча карала һәм шикәр составы билгеләнеләчәк.