Ветераннарыбыз сынатмый

Ильяс Фәттахов, 14 сентябрь 2024 - 10:36

426

Район Иҗтимагый советы җитәкчесе Надия Мифтахетдинова 11 сентябрьдә басуларда булып ветеран механизаторларыбызның хәлләрен белде, кыр эшләре барышы белән танышты.

Ул “Игенче” ширкәтеннән Шамил Сабирҗановка, “Яңарыш” ширкәтеннән Фәрид Хөснетдиновка, “Курса МТСы” ширкәтеннән Әхәт Шәрәфиевкә Рәхмәт хатлары тапшырды. Район авыл хуҗалыгы һәм азык-төлек идарәсе җитәкчесе Айрат Хәбиров акчалата премияләр белән куандырды.

Әлеге ветераннар күп еллар намус белән хезмәт иткән, бүген дә яшьләргә үрнәк. Фәрид Хөснетдинов 1983 елда ук Мари иленең атказанган механизаторы дигән исем алган булган. “Әти дә тракторчы иде, мин трактор кабинасында үстем, - ди. – Лаеклы ялда булсам да, шулай кадерне белеп торганда эшләргә дә эшләргә инде. Минем улым да шушы хуҗалыкта механизатор”.