Халык синоптигы: “Декабрь ахыры салкын булмас”

автор, 23 декабрь 2023 - 08:23

662

Балтач районының Яңгул авылында гомер итүче Әмир Шәрәфиев декабрь салкынлык буенча үз нормасын тутырды инде, ди.

– Каты суыклардан соң, гел бер җылытып ала иде бит инде. Башка елларны ул декабрь башында күзәтелә иде. Быел ун көнгә соңга калды. Кышка зарланып булмый, кары да яуды, суыгы да булды. Ә менә яңа ел бәйрәме алдыннан салкын да булмас, бүгенгедәй яңгыр да явып тормас, – ди синоптик. – Гыйнварның икенчесе өлешендә салкыннар тагын кабатланачак. Бу вакытта кош-кортларга авыр булачак. Үлеп бетмәсләр ярый инде.

Әмир абый глобаль җылыту, глобаль суыту дигән сүзләрне кулланмасалар иде, ди. Ул күп укый һәм эзләнә. Ел фасыллары кабатланып тора, бар хикмәт шунда, ди ул.