erid:LgsiSnffX
Арск-Информ

Арча районы

18+
Рус Тат
2024 - Гаилә елы
Арча яңалыклары

Яңа Кенәр егете иң зур кырмыска оясын табып, Россия рекорды теркәде

«Татар-информ» мәгълүмат агентлыгының татар редакциясе һәм «Интертат» сайты, «Атна вакыйгалары» газетасы баш редакторы, якташыбыз, Яңа Кенәрдә туып-үскән Рәмис Латыйпов Россия рекорды теркәде. Россиядәге иң зур кырмыска оясы Россиянең рекордлар китабына кертелде һәм шул хакта таныклык бирелде.

Кырмыска оясын журналист беренче тапкыр былтыр октябрь аенда, Кукмара районы Сәрдекбаш авыл җирлегенә кергән Тырыш авылы янындагы чыршы урманында тапкан иде. Аның биеклеге 220-235 см (ул авыш җирдә урнашкан), диаметры 440 см.

Дәлилләрне җыю озакка сузылды. Кырмыска оясы булган урында мобиль элемтә эшләмәү сәбәпле, экспертлар карап торганда ояның үлчәмнәрен алу мөмкин булмады, ди рекордны теркәүче. Шул сәбәпле, күпсанлы фото- һәм видеоматериаллар төшерелде. Россия Рекордлар Китабы таләбе буенча, ояның размерын үлчәү өчен, кырмыскаларга зыян китерелмәслек итеп, махсус корылма да төзелде.

«Бу рекордны теркәп, туган Татарстаныбыз табигатенең бик бай икәнен күрсәтергә теләдем, — ди Рәмис Латыйпов. — Билгеле, рекордны теркәсәм дә, мин ясаган әйбер түгел, мин мәгълүматны туплаучы гына. Мин безнең урманчыларыбызның урманнарны дөрес карап торуын һәм авыл халкының табигатькә сак каравын билгеләп үтәргә телим. Кукмарада яшәүчеләрне дә данлыйсым килде. Бу җирлек турында бар кеше дә белсен». 

Реклама
erid:2Vtzqwy9AuJ erid:2Vtzqwy9AuJ

Рәмис Латыйпов авыл атамасының да үзенчәлекле булуына игътибар итәргә кирәк дип саный. «Бу якларда халык кына түгел, кырмыскалар да тырыш», — ди ул, авыл атамасының да «Тырыш» булуына ишарәләп.

Шулай итеп, Россиядәге иң зур кырмыска оясының Татарстанда икәне рәсми рәвештә теркәлде. Билгеле, башка төбәктә яшәүчеләр тагын да зуррак оя тапкан очракта, бу күрсәткеч рекорд булудан туктаячак.  

Татар-информ

Следите за самым важным и интересным в Telegram-каналеТатмедиа

Хәзер Арча һәм Арча районы яңалыкларын безнең Telegram-каналдан да белә аласыз

 

Реклама

Галерея

Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев