Зур эшкә керешер алдыннан

“Яңарыш“ ширкәтендә һәр эшкә яхшы әзерлек белән киләләр.  Комбайннар, башка техника әзер, комиссия әгъзалары аларны җентекләп карап тиешле бәясен бирде. Район башлыгы Илшат Нуриев хуҗалык хезмәтчәннәренә тырыш хезмәтләре өчен рәхмәт әйтте, яңа уңышны җыйнап алуда уңышлар теләде.
“Курса МТСы“, “Казанка“, “Северный“, “Кырлай“ ширкәтләрендә әзерлек яхшы.

“Игенче“ ширкәте базасында хуҗалыклар җитәкчеләре, баш инженерлар белән сөйләшү барышында Р.Фәттахов, И.Нуриев бүгенге көндә алда торган бурычлар турында сөйләделәр. Уракка төшәр көн дә ерак түгел, эссе һава игеннәрнең өлгерүен тизләтә. Шуңа күрә булган җитешсезлекләрне бетерергә кирәк.

Министр урынбасары “Кырлай“ ширкәте җитәкчесе Марат Кәримовны туган көне белән котлады, авыл хуҗалыгын үстерүгә  керткән өлеше өчен рәхмәт әйтте.
Илшат Нуриев азык әзерләүдә яхшы күрсәткечләргә ирешкән механизаторларга Рәхмәт хатлары, акчалата бүләкләр тапшырды.