Татарстан Республикасында аномаль җылылык узган елларның температура рекордларын узарга мөмкин
Татарстанда алдагы атнада һава торышы климатик нормадан 8-10 градуска җылырак булыр дип көтелә. Явым-төшем ихтималы аз, ә якын көннәрдә температура рекордлары булырга мөмкин, дип хәбәр итә ТР Гидрометеорология үзәге.
Дүшәмбе көнне, 12 октябрьдә, республикада һава температурасы + 14...+18 градус тәшкил итә. Регион коры һава торышын тәэмин итүче антициклон йогынтысында.
Сишәмбе, 13 октябрьдә, төнлә температура +5...+10 градуска кадәр төшәчәк, көндез +18... + 23 градуска кадәр җылыначак. Чәршәмбе һәм пәнҗешәмбе, 14 һәм 15 октябрьдә, җылы һава сизелерлек явым-төшемсез сакланачак. Төнлә +5...+12 градус, көндез +17+ + 24 градус көтелә.
Җомга көнне, 16 октябрьдә, һава температурасы төнлә +6...+11 градус, көндез +15 ... + 20 градус тәшкил итәчәк. Синоптиклар фаразлавынча, шимбә көнне, 17 октябрьдә, явым-төшем көтелми, ә көндезге температура +15... + 20 градуска җитәчәк.
Шундый ук аномаль җылы һава торышы Татарстанда 2009 елда да күзәтелгән иде.
Нет комментариев