erid:LgsiSnffX
Арск-Информ

Арча районы

18+
Рус Тат
2024 - Гаилә елы
Яңалыклар

Иҗтимагый киңлекләрне сайлау буенча онлайн-тавыш бирү бара

Татарстанлылар смартфон аша иҗтимагый киңлекләрне төзекләндерү өчен тавыш бирә ала

15 апрельдә 2024 елда тәртипкә китерү күздә тотылган иҗтимагый киңлекләрне сайлау буенча онлайн-тавыш бирү башланды, ул 31 майга кадәр дәвам итәчәк.

Татарстанда объектлар исемлегенә 45 муниципаль берәмлектәге 267 иҗтимагый киңлек һәм республиканың 34 районындагы 2 меңнән артык ишегалды кертелгән.

«Татарстанлыларга тавыш бирү өчен ике мөмкинлек бар: берсе - веб-сәхифә, аңа компьютердан кереп була, икенчесе – смартфонда «ТР Дәүләт хезмәтләре» мобиль кушымтасы аша. Без кешеләрнең икенче вариантка өстенлек бирүен күрәбез», - дип искәртте ТР дәүләт идарәсен цифрлы нигездә үстерү, мәгълүмат технологияләре һәм элемтә министрының беренче урынбасары Илья Начвин.

Ул шулай ук республиканың барлык хакимият органнары һәм муниципаль берәмлек сайтларында баннерлар урнаштырылуын билгеләп үтте. «Әлеге баннерларга баскач, тавыш бирү сәхифәсенә эләгәсең», - диде ул.

Онлайн-сораштыру процедурасы берничә минутны ала. «ТР Дәүләт хезмәтләре» мобиль кушымтасында үз аккаунтыңны кулланып тавыш бирергә була. Әгәр шәхси сәхифәң юк икән, аны берничә минут эчендә ачарга мөмкин.

Реклама
erid:2Vtzqwy9AuJ erid:2Vtzqwy9AuJ

«Теркәлү процедурасы бик гади. Телефон номерыңны күрсәткәч, анда СМС-код килә. Шуны керткәч, теркәлү уздың дигән сүз. Тавыш бирүдә катнашу өчен шул җитә», - дип аңлатты Начвин.

Аның сүзләренчә, Татарстан – төбәк интернет-ресурсында иҗтимагый киңлекләрне төзекләндерү буенча онлайн-тавыш бирү үткәрү мөмкинлеге бирелгән сирәк төбәкләрнең берсе.

Начвин «ТР Дәүләт хезмәтләре» порталында 3 миллион кулланучы теркәлүен искәртте. Кушымтаның иң актив кулланучыларына 2024 елда иҗтимагый киңлекләрне яңарту буенча онлайн-тавыш бирүнең башлануы турында 630 мең белдерү җибәргәннәр инде.

Чыганак: Татар-информ

Следите за самым важным и интересным в Telegram-каналеТатмедиа

Хәзер Арча һәм Арча районы яңалыкларын безнең Telegram-каналдан да белә аласыз

 

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев