Казанда дистәләрчә автобусның маршруты үзгәрә

8 июльдән Казанда 12 автобус – 2, 30, 40, 62, 63, 68, 71, 72, 77, 47, 25 һәм 49 нчы автобус маршрутларында үзгәрешләр булачак. Үзгәрешләрнең максаты – транспортны көтү вакытын киметү өчен маршрут челтәрен камилләштерү. Берсен- берсе кабатлаучы маршрутларны кыскарту нәтиҗәсендә башка линияләрдә автобуслар ешрак йөри башлаячак. Нәтиҗәдә автобусны көтү вакыты уртача 10-15 минутка кимиячәк. 25 һәм 49 нчы маршрутлар бетерелә, чөнки аларны башка маршрутлар кабатлый. 49 нчы автобус урынына 34, 30, 36, 45 нче автобусларга утырырга мөмкин булачак.

Чыганак: https://vatantat.ru/2024/07/146454/