Тол хатынның җан авазы: «Балалар хакына түзәм»

Икенче балам тугач, тормышның асты өскә килде. Ирем элегрәк тә сәламәтлегенә зарлана иде. Күкрәк тирәсе авыртты, әмма моны эштән арып кайтуына сылтый иде. Бала тудыру йортыннан кайтканның икенче көнендә ирем хастаханәгә эләкте.

Иремдә яман шеш таптылар. Хәле бер дә яхшырмады. Соңгы күрешүебез ул “ашыгыч” ярдәм белән хастаханәгә киткән көнне булды. Ирем 20 көннән безне ташлап китте. Тормыш йөген ялгызыма тартып бару бик авыр булды. Хәзер дә авыр.

Төпчек балага 4 яшь тулды. Акча җитми, балалар гел чирли. Эштән кыскарттылар. Үземә кул салырга теләгән вакытлар күп була. Ләкин балалалар хакына түзәм. Әтиләре юк. Мин дә китсәм, алар кем кулына калыр?..

Наилә, Казан

https://shahrikazan.ru/news/%D3%99y-yazmyish/tol-khatynny-an-avazy-balalar-khakyna-tzm