Ул көннәрне искә алырга да куркыныч
Гомеремнең яртысын үземнең туган җирем Төркмәнстанга, яртысын әби-бабаемның кендек каны тамган Татарстанга багышладым, дип шаяртырга ярата Рәис ага Яруллин.
Көрәшеп яшәргә кирәген аңладым
Сугыштан соң, бәхет эзләп Апас районының Борнаш авылы егете Ибраһим Төрекмәнстан якларына чыгып китә. Шунда Буа районы Кырык Садак авылы кызы Асия белән таныша. Чит җирләрдә очрашкан ике яшь йөрәк гаилә кора. Ибраһим йөртүче машинист, Асия мәктәптә техничка булып эшләп, ике малай үстерәләр. Уллары уку алдынгылары булу өстенә, әтиләре кебек, спортта да үзләрен сынатмый. Дүртенче класста укыганда Рәис иптәшләренә ияреп грек-рим көрәше түгәрәгенә йөри башлый, ә үзенең күңеле футболда. Футбол уйнап туйгач, вакыт уздыру өчен генә көрәш түгәрәгенә кереп чыкса да, спортның бу төрендә уңышларга ирешә башлавын үзе дә сизми кала. СССРның спорт остасы булып таныла.
–1939 елда әти Апас Сабан туенда көрәш батыры була, – дип искә ала Рәис абый. – Геннар үзенекен иткәндер, 11 яшемнән көрәш белән ныклап шөгыльләнеп, Советлар Союзының төрле шәһәрләренә ярышларда катнашып, призлы урыннар яулый башладым. Бу тормышта нәкъ менә көрәштәге кебек тырышлык кирәген кечкенәдән аңлап чыныктым. Көрәш миңа бик зур тормыш сабаклары бирде.
Үзе туып үскән Небит-Даг шәһәрендә нефтьчеләр әзерли торган техникумны тәмамлаган егет, бораулаучы ярдәмчесе булып эшкә урнаша. И.М. Губкин исемендәге Мәскәү нефть, химия һәм газ сәнәгате институтын тәмамлаган егетнең хезмәт баскычлары акрынлап өскә күтәрелә башлый.
1978 елда, Ибраһим ага белән Асия апа, Рәис Апас районы Борнаш авылына кунакка кайта. Шул кайтуда Рәис Зәйнәп белән таныша. Ике арада ярты ел хатлар йөргәннән соң, 1979 елның 25 гыйнварында егет кабаттан авылга кайтып, Зәйнәпнең әти-әнисеннән сөйгәненең кулын сорый. Авылда никах мәҗлесе, Төркмәнстанда туй уздыралар. Бер-бер артлы балалар туа. Гаилә башлыгы көн-төн җаваплы эштә. 11 ел Небит-Даг шәһәрендә (хәзер бу кала Балканабад дип атала) яшәгәннән соң, тормыш иптәше Зәйнәп белән уртак фикергә киләләр дә, яхшы эшен, якын дусларын, элемтәләрен калдырып, билгесезлек офыгына - Татарстанга күченергә карар кылалар.
Тулырак:http://shahrikazan.ru/news/iazmys/ul-konnarne-iska-alyrga-da-kurkynyc
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев