Арча урамында изге бәйрәм узды

Аның төп оештыручысы - Арчада яшәүче Рифат Шәйхетдинов. Изге күңелле райондашыбыз Корбан чалып, үзе яшәгән йорт ишегалдында балалар һәм олылар өчен менә дигән бәйрәм уздырды. Сабыйлар өчен аниматор чакырып, плов пешерүче пешекче чакырып, менә дигән мул табын ясап, бар теләүченең күңелен ача ул. "Минем бу эшемне хуплап, ярдәм итүчеләр күп булды. Үзем генә булдыра алмас идем. Бөтен район булышты дисәм дә була. Шушмабаштан плов пешерергә утынга кадәр китереп бирделәр," - дип уртаклашты ул.

Уен-көлке, күңел ачу тәмамланганнан соң, Равил хәзрәт Коръән аятьләрен укып, ихлас теләкләрен җиткерде.

Чын мәгънәсендә күңелле, ихлас, бердәм бәйрәм шаһите булырга насыйп булды.

Тулырак газетабызның алдагы саннарында укый алачаксыз.