Арск-Информ
  • Рус Тат
  • Авыл халкы рәхмәтле

    Авыл хәбәрләре.

    Түбән Курса «Мөхәммәдвафа” мәчете август башында авылларыбызның 35ләп баласына тагын үз ишекләрен ачты. Алар мәчеттә дин дәресләре алып, догалар өйрәнеп, төрле уеннар уйнап, тәмле сый—нигъмәтләр белән сыйланып рәхәтләнеп ял иттеләр.

    Лагерьның соңгы көне муллабыз Абдуллин Ислам хәзрәт Илһам улы пешергән тел йотарлык тәмле пылау ашап, мул табыннар янында сыйлану белән тәмамланды. Лагерьда ял иткән һәр бала Вәдүт Хаҗи Вафин әзерләгән бүләк, күчтәнәчләр белән таралышты.

    Балаларны күңелле ял иттерүгә, дини белем бирүгә үз өлешен керткән, күчтәнәчләрен биргән, хезмәте белән булышкан һәрбарчагызны Аллаһы Тәгалә күтәрсен, хөрмәтләсен, рәхмәтенә куйсын. Әни—әтиләр, әби—бабайлар, авыл халкы барыгызга да рәхмәтле.

    Реклама

    Нурфига Габдрахманова.

    Түбән Курса авылы.

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: