Арск-Информ
  • Рус Тат
  • Diamond Princess лайнерыннан хастаханәгә китерелгән пациентлар үзләрен яхшы хис итә

    Пациентлар белән эшләүче барлык медицина хезмәткәрләренең дә сәламәтлеге контрольдә.

    Республика йогышлы авырулар хастаханәсендә алар өчен уңайлы шартлар тудырылган.

     (Казан, 24 февраль, «Татар-информ»). Diamond Princess лайнерыннан Татарстанның Республика йогышлы авырулар хастаханәсенә китерелгән барлык пациентларның да хәле яхшы.  «Безнең хастаханәгә китерелгән сигез кешенең сәламәтлеге хакында әйткәндә, барысының да температуралары нормада. Аларга көн саен лаборатор контроль үткәрелә. Барлык пациентларның да хәле яхшы. Алар өчен хастаханәдә барлык уңайлы шартлар да тудырылган», - дип белдерде хастаханәсенең баш табибы Марат Гатауллин.

    Аның сүзләренчә, пациентлар белән эшләүче барлык медицина хезмәткәрләренең дә сәламәтлеге контрольдә. Табибларның кирәкле барлык шәхси саклану чаралары да бар, аларның бөтенесе дә медицина күзәтүе астында.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: