Арча яңалыклары
Кәчедән Вәлиәхмәтовлар гаиләсе икенче тапкыр йортсыз кала
Бүген, 29 ноябрь көнне, Кәче авылында гомер итүче 6 балалы Вәлиәхмәтовлар гаиләсенең йортлары янып бетте
Рәсми булмаган мәгълуматлар буенча, янгын йорттагы иске ут чыбыкларыннан чыккан. Нәтиҗәдә 9 кеше бернәрсәсез урамда кала. Берничә ел элек бу гаилә шундый ук бәхетсезлекне инде кичергән була. Үз йортлары янып беткәннән соң, әлеге йортта өр-яңадан яши башлыйлар.
Бүген алар ярдәмгә мохтаҗ. Вәлиәхмәтовлар гаиләсендә 6 бала: 1 кыз һәм 5 малай. Иң кечкенә улларына 4 яшь. Кәче мәктәбенең 5 сыйныфында кызлары, 2нче, 6нчы һәм 9нчы сыйныфларында уллары белем ала. Иң олы улларына 17 яшь.
Вәлиәхмәтовларның гаиләсенә киемнәр дә, азык-төлек тә, мәктәп кирәк-яраклары да, акча да кирәк. Кем ничек булдыра ала, ярдәм итәргә чакырабыз.
89083496906 - Галявиева Фаниса Фанисовна. (Сбербанк картасына беркетелгән) - Вәлиәхмәтовларның күршеләре.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев