Арск-Информ
  • Рус Тат
  • Татарстан районнарында гарасат: җил түбәләрне алып аткан, боздан зыян күргәннәр бар

    Арча районы Яңа Кенәр авылында кичә боз явып киткән.

    Унбиш минутлап яугандыр. Башта боз яуды, аннан яңгыр койды. Түтәл араларына сулар җыелды инде. Суганнарны аударды. Чыпчык башы кадәр булгандыр, - ди авылга кунакка кайткан Гөлүзә Василова.

    Биектау районында да шундый ук хәл. Анда да бакчаларга бераз зыян килгән. - Бездә 5-6 минут тирәсе яуды. Зурлыгы борчактан зуррак булгандыр. Печәннәр, суганнарны аударды инде. Болай тишелгән түбәләр, зур югалтулар булмады, - ди Татар Урматыннан Рамил Гыйльманов.

    Реклама

    Әтнә районы Олы Бәрәзә авылында исә гарасат кичә узган. Анда гарасат көчлерәк булган.   -Теплицаны очыртып китмәсә ярый инде, дип борчылып тордык. Авылда берсенең гараж түбәсен каерып аткан, икенче берәүләрнең зур тупыл агачы авып, коймаларын сындырган. Башка зыян салмады үзе, Аллага шөкер, - диде әңгәмәдәшебез Зөлфия апа. 

    http://shahrikazan.ru/news/yazmalar/tatarstan-rayonnarynda-garasat-il-tblrne-aylyp-atkan-bozdan-zyyan-krgnnr-bar-video
     

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: