Йомырканы кышка ничек сакларга?

«Йомыркаларны сытарга, пакетларга яки контейнерларга тутырып, туңдыргычка куярга. Йомырканы блендер белән туглап та катырырга һәм сарысын «ватмыйча» да катырырга була. Каткан йомырканы туңдыргычтан алырга, азрак эрегәч, аның сарысын аерып алу бик җиңел. Токмач, чәкчәк, бисквит өчен пакетларга 5, 10 йомырка салып катырырга була», – дип сөйли Тәския ханым.

Кышын һәр хуҗабикәнең ризыкны сап-сары авыл йомыркасыннан пешерәсе килә инде. Катырырга икән – катырырга, туңдыргычта урын гына булсын.

Тәския ханымның видеосын караучылар үз ысулларын да тәкъдим иткән. «Мин йомырканы кабыгы белән катырам, чәкчәк һәм йомырка тәбәсе өчен дә менә дигән була» дип язучыга, «кабыклы йомырка урынны күп ала», «кабыгы белән катырмагыз, блендер белән болгатыгыз да, «эшең бетте кодагый» була бит» дип язганнар.

Чыганак: Интертат