Афәрин, арчалар!

Арча районы Плодосовхоз клубы каршында иҗат итүче "Яшь йөрәкләр" халык вокаль ансамбле Балык- Бистәсендә узган 2нче Республикакүләм "Бистә шәле " фольклор фестивальдә уңышлы чыгыш ясап , лауреат дипломына лаек булдык. Шулай ук, җырчыларыбыз Дамир Шакиров, Фәния Сабирҗанова (баянда Вилорик Зыятдинов) бу фестивальдә катнашып, лауреат булдылар. Искиткеч бай эчтәлекле  фестивальдә катнашуыбыз белән без бик бәхетле. Күп кенә коллективлар  һәм аларның иҗатлары белән таныштык.ТНВ телевидениесе алып баручылары белән аралаштык. Рәхмәт бу фестивальне оештыручыларга һәм катнашучыларга.