Алмаз Хисаметдинов: «Бала иминлеге — безнең уртак җаваплылык»

Районның матбугат хезмәте хәбәр итүенчә, 19 ноябрьдә Арча муниципаль район башлыгы Алмаз Хисаметдинов җитәкчелегендә укучыларның эчке контроле мәсьәләләре буенча район мәгариф учреждениеләре директорлары белән очрашу узды. Чараның төп максаты – укучыларның эчке контроле һәм укучылар арасында хокук бозуларны профилактикалау мәсьәләләре буенча фикер алышу.

Очрашу кысаларында риск төркемендәге балаларны ачыклау һәм алар белән эшләү тәҗрибәсен җентекләп яктырткан биш мәктәп җитәкчесенең чыгышлары тыңланды. 
Мәктәпләрдә закон бозуларны кисәтүнең нәтиҗәле механизмнарын булдыруга аерым игътибар бирелә.
Әлеге проблема педагогларның, ата-аналарның, хакимият органнары вәкилләренең һәм җәмәгатьчелекнең уртак тырышлыгын таләп итә. 
Моның мөһимлеген Алмаз Хисаметдинов та ассызыклап үтте.

– Һәр баланың иминлеге өчен шартлар тудыру, гаиләне ныгыту һәм районыбызның имин киләчәген тәэмин итү – безнең уртак бурычыбыз, – диде ул.

Арча район Советы карары белән 18 ноябрьдән Арча муниципаль районының балигъ булмаганнар эшләре һәм аларның хокукларын яклау комиссиясе рәисе итеп районы башлыгы Алмаз Хисаметдинов билгеләнде.

Фотолар: https://web.telegram.org/a/#-1001643854747