Арча районы җитәкчесе Алмаз Хисаметдинов райондашларны Корбан Гаете белән котлады
Бүген ислам динендә иң олы бәйрәмнәрнең берсе - Корбан Гаете .
Шул уңайдан Арча районы башкарма комитеты җитәкчесе Алмаз Хисаметдинов Үзәк мәчеткә гает намазына килгән мөселманнарны бәйрәм белән тәбрикләде:
- Хөрмәтле дин кардәшләребез, Гаетебезне зурлап кайткан кунакларыбыз!
Барыгызны да шушы Гает бәйрәме белән чын күңелдән кайнар котлыйм. Бүген бирегә гает намазына җыелдык. Намаздан соң изге гамәл кылырга - өч көн дәвамында корбан чалырга ниятлибез. Кылган гамәлләребез барыбызга да исәнлек -саулык, бәрәкәт булып әйләнеп кайтсын!
Бүгенге көндә безнең районнан 600 дән артык егетебез яу кырында безнең тынычлыгыбызны яклап сугышалар. Аларга да гает намазларыбызда кулларыбызны күтәреп АллаһыТәгаләдән әти-әниләре, тормыш иптәшләре,балалары янына җиңү яулап исән-сау әйләнеп кайтуларын, бу сугыш афәтенең тизрәк бетүен теләп дога кылыйк.
Барыгыгызны да кабат кайнар сәламлим, сәламәтлек һәм бәрәкәтле тормыш телим, - диде ул.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев