Арчада донорлар көне

Чират. Яшьләр дә, олырак яшьтәгеләр дә бар. Кәефләре яхшы. Оптимистлар. Аларга карап сокланасың. Кан бирү - кемнедер үлемнән алып калу дигән сүз. "Канны бернәрсә дә алмаштыра алмый, бер тамчы кан да кешегә тормыш бүләк итәргә мөмкин, - ди. ТР Сәламәтлек министрлыгының республика буенча кан үзәгенең мобиль бригадасы җитәкчесе Хәйдәр Абдрахманов. - Рәхмәт Арча халкына. Бик актив киләләр. Рәхмәт районның медицина хезмәткәрләренә. Донор көнен яхшы оештырганнар!". Тулырак итеп район газетасында язарбыз. Сәгать 12 тулганда инде донорлар тапшырган канның беренче партиясен мобиль донорлар машинасы Казанга алып китте. Кан бирү дәвам итте.