Арча яңалыклары
Арчада гаилә көне уңаеннан гаиләләр ярышты
Гаиләләр Арча мәктәпләреннән килгән иде.
Җомга кичендә Арча стадионында гаиләләр катнашында “Бергә күңелле” исемле гаилә марафоны үтте. Ул Гаилә, мәхәббәт һәм тугрылык көненә багышланган иде.
Арчаның 1, 2, 6нчы мәктәпләреннән, 5нче гимназидән килгән 18 гаилә бергә төрле кызыклы ярышларда катнашты. Әтиләр дә, әниләр дә, балалар үзләре дә стаионны гөрләтте. Рәсем дә ясадылар, велосипедта да ярыштылар, гаиләләренә кагылышлы кызыклы сорауларга да җавап бирделәр һ.б. Районыбызның үзешчән сәнгать осталары үзләренең матур җырлары белән куандырды.
Ярышлар нәтиҗәләре буенча беренче урынга Арчаның 6нчы мәктәбеннән Гайнетдиновлар, икенче урынга Арчаның 2нче мәктәбеннән Хәсбиуллиннар, Арчаның 1нче мәктәбеннән Әхмәтҗановлар гаиләсе чыкты.
Ахырдан барлык гаиләләр дә милли эстафетада катнашты.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев