"Аударыш"та кем аударды?

Яңа Кырлайда булып үткән Ат көнендә халыкның иң яратып караган уены, мөгаен, "Аударыш" ярышы булгандыр. Чөнки киртәләп алынган зур булмаган мәйданда тамаша каравы уңайлы иде. Кара-каршы ике атта җайдаклар көрәшә. Билгә бәйләнгән баудан бер-берсен тартып төшерергә тиешләр. Авырлык үлчәве буенча көч сынашалар.

Мәйданга 2019 елны чемпион калган  Лениногорскидан Динар Хәйбриев һәм 2020 елгы чемпион Кукмарадан атлар тренеры Фирдүс Халиков  чыккач, мәйдан гөж килде. Уен тагын да кызды. Лениногорск егетләре аерылып торды. Чөнки алар махсус бу спорт төре белән шөгыльләнә. Тренерлары да Уел Бадыкшанов бу уенда баш судья булып торды. Арчадан Курса ягыннан Илнур Рамазанов катнашты.

1 нче урынны Лениногрскидан 2019 елгы чемпион Динар Хәйбриев алды.