Арча яңалыклары
Айлык түләү кемнәргә бирелә?
Россиянең кайбер гражданнары 5500 сум күләмендә айлык акчалата ярдәмне алырга мөмкин.
Аны гражданнардан 1 июльдән кабул итә башлаган гаризалар буенча РФ Пенсия фонды билгели.
Баланы бер ата-ана тәрбияләгән очракта, 8 яшьтән 16 яшькә кадәрге балалы гаиләләргә яңа акчалата түләү каралган. Икенче шарт - гаилә кереме төбәкара яшәү минимумы күләменнән артмаска тиеш.
Пенсия фондында аңлатуларынча, монда гаиләнең барлык әгъзаларының керемнәре исәпкә алына (шул исәптән пенсияләр, пособиеләр, балаларга түләүләр, алиментлар һ.б.). Шулай ук күчемле һәм күчемсез милек исәпкә алына.
Гражданга пособие алу өчен гариза бирергә кирәк: моны дәүләт хезмәтләре сайты аша яисә шәхсән Россия Пенсия фонды бүлегендә эшләргә мөмкин. Түләү күләме гаиләнең яшәү төбәгенә бәйле, Россия буенча ул аена уртача 5 мең 500 сум тәшкил итә.
Тулырак: http://baltaci.ru/news/t%D3%A9rlese/aylyk-tl-kemnrg-birel
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев